靚媽陳凱琳以身教兒仔做善事　童星黃梓樂暑假密密接Job

靚媽陳凱琳及《年少日記》小演員黃梓樂今日（7月27日）齊現身中環街市，出席香港救助兒童會（救助兒童會）15週年設立首屆「救助兒童獎」的頒獎禮，

已為3孩之母的靚媽陳凱琳以一身簡約長裙亮麗現身任頒獎嘉賓，她在台上表示今天是她和丈夫鄭嘉穎二兒子的生日：「今日喺香港救助兒童會（救助兒童會）成立15週年慶典，亦係我二仔嘅4歲生日，我同佢講媽咪今日要做Save The Children 15周年慶典，及救助兒童獎頒獎禮，會見到好多得獎者；佢哋喺社會上貢獻好大，同埋希望透過呢次機會俾大眾多謝佢哋。我希望以身作則，等自己小朋友大少少可以同我一齊出嚟做義工。呢個社會好多人需要關懷，好多人好熱心，我想做個榜樣比佢哋睇。」

至於黃梓樂接受訪問時表示：「我同Grace合作過幾次，好開心今日可以一起出席咁有意義嘅活動。」正值放暑假的梓樂最近非常勤力曝光率超高，早前參與完生產力局微電影後，10月又會有一套關於動物的電影推出，最近主要拍攝短片和客串劇集。

▲ （右起）狄志遠（立法會議員）、蔡宏興（華懋集團執行董事兼行政總裁）、陳凱琳、司徒恩（香港救助兒童會總幹事）、何啟明（勞工及福利局署理局長）、林美秀（平等機會委員會主席）、陳國齡 （香港大學李嘉誠醫學院精神科學系榮譽臨床副教授）。